يا تري ااكل ابني ايه النهارده ؟
مش عارفه الصراحة امممم طيب ما تيجي نعمل قايمه بأشكال كتير من الأكل الصحي وحاجات هو يكون عارف مكوناتها مش احشي وخلاص
يعني مثلا نبدأ ب وجبه الفطااااار :
١: بيض بالسبانخ
هتجيبي سبانخ ورق تقطعيها صغير انا يستعمل هنا ال ورقها صغير
هتغسليها كويس جدا وبعدين تحطي حبه زيت زيتون في مقلاه وبعدين لما يدبلوا شويه تحطي البيض وملحك وفلفلك وتستني يستوي والحمدلله . قدميها مع قطع من الموز المقطع هيكون مغذي جدا لطفلك
٢ : اكيد كلنا عندنا الكورن فليكس ههههه ايوه ايوه هو ده
ده حاجه أساسيه مع اللبن وممكن تضيفي عليه مكسرات ويأكل وبرضه وجبه حلوه
٣: السندوتشات بكل أنواع الجبن بس لو سمحتي مش لوحدها معاها كوبايه لبن او هوت شوكلت او عصير وكمان الموز مهم جدا او تفاحه
٤: بيض مسلوق متقطع شرايح و علبه زبادي وقطع موز او تفاح
٥: اما بقه بالنسبة لباقي الأيام فكل واحد ممكن ينوع حسب المتاح عنده يعني ممكن سندوتش طعميه او فول
وبالنسبالي انا بدي يوم فري يعني ال حابين يأكلوه يا كلوه
كمان عودي اولادك يأكلوا المتاح مش ايه ده ااكل ابني فول وطعمية اه عادي جدا الاجانب بياكلوا هنا الفول والطعمية وعارفين قيمتهم الغذائية
هكمل معاكم البوست الجاي عن وجبات الغذاء ان شاء الله وأتمني تكون الأفكار دي عجبتكم
Romy
Comments
Post a Comment