مالبدايه عاوزه اقولكم ان الطفل عادي يرفض الأكل وخصوصا الأكل الصحي  كل الأطفال مش ابنك او. بنتك بس ال كده 

 طيب هو ده عادي؟ 

 اه عادي جدا الطفل بيكون عاوز دايما يأكل حاجات حلوه زي الشيبسي و  المصاصة والحاجات الكتير ال هي المفروض اكل غير صحي 

طيب اعمل ايه انا تعبت وأعصابي باظت من كتر ما بحاول؟ 

أولًا خاليني أقولك عن تجربتي :

فالبداية كنت دايما بضغط علي ابني انه ياكل عافيه بالزعيق او بالعقاب واكتشفت ان ده مش هيجيب نتيجه انا برضه ال بتعب .

يوووه طب وبعدين 

الطفل عاوز جو هادي او بمعني ان اهزر معاه أتكلم معاه طول فتره الأكل عن أساطيره وكفاحه الرهيب فتره المدرسة او الحضانه وان ازاي ممكن المطافي تتطفي الحريق ال كان عند جارنا ال احنا منعرفهوش وان الإسعاف جه واخد الست العجوزه ال فوق للمستشفي عشان مش بتاكل . 

طب مانا انا كده هخوفه ، لا حضرتك هتشجعيه لان هيفهم ان ال مش بياكل هيحصله مضاعفات توديه المستشفي 

مهو برضه مش بياكل الأكل الصحي ال انا بطبخه طب جربي كده وهو هياكل معلقه بمعلقه 

ثانيا :

مش دايما اكل صحي من غير مفاجآت يعني مثلا كل اجازه في الأسبوع تشجعيهم ان ال هياكل هجبله حاجه حلوه بسحبها زي الشوكلاته ومشتقتها ومشتقات الحلويات. 

طب مانا  كده معملتش حاجه لا حضرتك عملتي  !

حضرتك فضلتي فصله كل حاجه لحد اخر الأسبوع ولازم يأكل حاجات زي بقيت أصحابه وفنفس الوقت لازم نفهمه ان السكر الكتير غلط وان الحاجات ال بره مش كويسه لازم كل مره يسمع منك ده لوحده هيردها بعد كده 

علي سبيل المثال 

ابني حمزه كل مره  كان بيشرب فيها اللبن كان لازم أحط سكر وافهمه ان السكر مش هيلثي ال هو مش صحي 

لحد ما أتفاجئت فيوم وأنا يسال حمزه احطلك سكر قالي لا يا ماما السكر ( not healthy )  ال هو مش صحي  

ايه ده بجد حمزه قدر يستوعب ده بالتدريج .

انا هنا محرمتوش بس فنفس الوقت كان عندي الفترة ال اقدر أقوله فيها علي كل الحاجات دي 

ثالثًا : ابنك او بنتك زيك او زي باباه لازم اساله تحب تأكل ايه النهارده في كذا وفي كذا وفي كذا لازم يفهم انه عضو مهم فالبيت وطبعا ده من سن ٣ سنين وطالع 

رابعًا : ما بين وجبه الفطار والغذاء خالي في وجبه خفيفه زي الفاكهة مع زبادي او عصير فريش او أبدعي انتي اكيد هطلعي الشيف ال جواكي

اتمني يكون كلامي عجبكم ولو عندكم اي اساله اسألوني في الكومنت وأنا اكيد هجاوب عليكم عن تجربه 

شكرا ليكم .

Romy